"Բարեկեցիկ կյանք" կրթական ծրագիր

"Բարեկեցիկ կյանք" կրթական ծրագիրը իրականացվում է "Երիտասարդական նվաճումներ" կրթական հասարակական կազմակերպության կողմից Միջազգային կրթության ամերիկյան խորհուրդներ կազմակերպության ֆինանսական աջակցությամբ:

Ծրագրի շրջանակներում ՙԳյումրու Ֆ. Նանսենի անվան մանկատան և Վանաձորի մանկատան 15-21 տարեկան սաների համար անցկացվել են համակարգչային հմտությունների եւ ինքնակենսագրական (ռեզյումե) կազմելու, այդ թվում նաեւ հարցազրույցներին ըստ պատշաճի նախապատրաստվելու համար անհրաժեշտ դասընթացներ: Մինչ բուն դասընթացներին անցնելը երիտասարդները մասնակցել են թիմային աշխատանք եւ հաղորդակցման հմտություններ ինտերակտիվ դասընթացների: Բոլոր մասնակիցները դասընթացների ավարտին ստացան մասնակցության վկայականներ:

Ուսուցողական գործընթացն առավել մատչելի դարձնելու նպատակով կազմվել եւ տպագրվել է վերոնշյալ դասընթացների ձեռնարկը, որը մասնակիցների համար ծառայեց որպես ուղեցույց ողջ ուսուցման ընթացքում: