Զեղչված! Հայկական Օրորոցային Գոհարներ/Armenian Lullaby Jewels Մեծացնել

Հայկական Օրորոցային Գոհարներ/Armenian Lullaby Jewels

Արևիկ հրատարակչություն Արևիկ հրատարակչություն

AL001

Նոր

Հայկական Օրորոցային Գոհարներ/Armenian Lullaby Jewels` հայկական ժողովրդական օրորոցային երգերի հավաքածու

Լրացուցիչ ինֆորմացիա

Առկա է

2,320 դրամ

2,900 դրամ

-20%

Կարծիքներ և գնահատականներ

Այս ապրանքի վերաբերյալ դեռևս կարծիքներ չկան

    Օրորոցային երգը պատկանում է հայ ժողովրդական ավանդական երգային ժառանգության հնագույն և ամենակենսունակ ժանրերի թվին։ Մեր բազմադարյա պատմության ընթացքում ամենուրեք, որտեղ եղել է ծնունդ և օրորոց, միշտ հնչել է օրորոցային երգը, որով հայ կինն իր սիրասուն մանկան գովքն է արել, արտահայտել իր անսահման սերն ու գորովը։ Օրորոցային երգի միջոցով է ստեղծվել ու ամրապնդվել հոգևոր կապը մոր և մանկան միջև։ Օրորոցային երգով են սկզբնավորվել երեխայի գեղարվեստական ընկալումները, որոնք հետագայում ձևավորելու էին նրա հոգեկան կերտվածքը։ Մորից լսած օրորով էր մանուկը հաղորդակից դառնում իր հարազատ հայ երգին։
  Այսօր էլ օրորոցային երգը չի կորցրել իր կարևոր նշանակությունը, ուստի և անհրաժեշտ ենք համարում օգնել երիտասարդ մայրերին կենցաղ վերադարձնելու մեր հիասքանչ օրորները, որոնք բացի իրենց կիրառական գործառույթից ունեն նաև գեղարվեստական բարձր արժեք։
  Ունկնդիրների ուշադրությանը ներկայացվող խտասալիկը պարունակում է դարերի խորքից եկող ժողովրդական օրորոցայինները Կոմիտասի և հայ մշակույթի մյուս երախտավորների գրառմամբ։ Այդ օրորները ներկայացնում են պատմական Հայաստանի տարբեր վայրերը՝ Տարոնը, Վանը, Սասունը, Շատախը, Ակնը, Մոկսը և այլն։
  Այստեղ ընդգրկված են նաև անհայտ երգաստեղծների՝ քաղաքային միջավայրում հայ բանաստեղծների խոսքերով հորինած նմուշներ և հայ կոմպոզիտորների հեղինակային ստեղծագործություններ, որոնք իրենց քնարականության, մեղեդային անգնահատելի արժանիքների շնորհիվ սիրված ու տարածված են հայաշատ վայրերում։ Օրորները հանրամատչելի և կիրառական դարձնելու նպատակով, կոմպոզիտորական ստեղծագործությունները ներկայացված են առանց նվագակցության, այնպես ինչպես մայրը օրորոցի մոտ կերգեր իր բալիկին: 
  Օրորները ներկայացվում են սոպրանո, <<Գեղարդ>> երգեցիկ խմբի հիմնադիր` Անահիտ Պապայանի կատարմամբ։ 

Տևողություն` 46 րոպե                                                                                                              

Երգերի քանակը` 21 

Օրորոցային երգերի ցանկը.                      

1.Վանի ժողովրդական օրոր - <<Դանդան,դանի>>
2.Թալիշի օրոր - <<Մանրատերև ծածկոց կէնեմ>>
3.Քեսաբի օրոր -<Այ ջանըմ,նանի >>
4.Տարոնի օրոր - <<Հեյրուր,հեյրուր>>
5.Բութանիայի օրոր - <<Սալնջախ եմ ձգեր>>
6.Սասնա օրոր - <<Օրիմ, օրիմ>>
7.Թալինի օրոր - <<Գսը րուրի>>
8.Կոմիտաս - Ակնա օրոր, <<Աղվոր ես>>
9.Կոմիտաս - <<Քուն եղիր բալաս>>, խոսք՝  Ռ.Պատկանյանի
10.Կոմիտաս - Մոկաց անտունի օրոր, <<Տնավիր տուն>>
11.Կոմիտաս - <<Օրոր>> (<<Արուսյակս>>)
12.Ժող.օրորոցային - <<Արի ̒, իմ սոխակ>>,խոսք՝ Ռ.Պատկանյանի
13.Գ Գեղարիկ - <<Օրորոցի երգ>>, խոսք Գ. Մեհսյանի 
14.Ռ.Մելիքյան - <<Օրոր>>, խոսք՝ ժողովրդական
15.Ա.Մանուկյան - <<Ծիտիկի օորորը>>, խոսք՝ Հովհ.Թումանյանի
16.Ա.Գալիկյան - <<Օրոր>> (<<Ոսկի մազեր>>), խոսք՝ Մ.Կորյունի
17.Բ.Կանաչյան - <<Օրոր>>, խոսք՝ Ռ.Պատկանյանի
18.Գ.Արմենյան - <<Օրոր>>, խոսք՝ Սարմենի
19.Խ.Ավետիսյան - <<Օրոր>>, խոսք՝ Լ.Դուրյանի 
20.Ռ.Ամիրխանյան - <<Օրորոցային>>, խոսք՝ հեղինակի
21.Ստ. Լուսիկյան - <<Մայրիկի օրորը>>, խոսք՝ հեղինակի
Արտադրող երկիր Հայաստան